A minor was convicted and sentenced to 3 years in prison for giving false testimony in the case involving the death of teacher Giga Avaliani. The minor was part of a group of five juveniles convicted in connection with the case.

Accessibility links მთავარ შინაარსზე დაბრუნება მთავარ ნავიგაციაზე დაბრუნება ძიებაზე დაბრუნება Link has been copied to clipboard ახალი ამბები თემები პოლიტიკა ეკონომიკა საზოგადოება კულტურა სპორტი ვიდეო ბლოგები პოდკასტები ასათიანის კუთხე ნიკოს პოდკასტი 60 დეციბელი განკითხვის დღე დილის საუბრები მოლაპარაკე ტექსტები შინ - უცხოეთში ლიტერატურული წახნაგები ამერიკული მოთხრობა იმპერია და რადიო გადაცემები თავისუფლების მონიტორი ფენოვანი - 2.10 თქვენი პუბლიკაციები პროექტები უკრაინაში დაღუპული ქართველი მებრძოლები - 2022 დამოუკიდებლობის 100 წელი ჩემი სიკვდილის მიზეზია COVID-19 11 წელი - 11 ამბავი საპარლამენტო არჩევნების ისტორია ბავშვები პროსტიტუციაში - ამოუთქმელი ამბავი 5 ამბავი - 20 ივნისს დაშავებულები აგვისტოს ომი ПРИВЕТ კულტურა ЭХО КАВКАЗА გამოიწერე რთე/რთ-ის ყველა საიტი პოდკასტები ძიება ახალი ამბები დამნაშავედ ცნეს მასწავლებელ გიგა ავალიანის საქმეზე ცრუ ჩვენების მიცემისთვის ბრალდებული არასრულწლოვანი ივნისი 01, 2026 გაზიარება იხ. კომენტარები ფოტო არქივიდან: გიგა ავალიანი პროკურატურის თანახმად, დამნაშავედ ცნეს და 3 წლით პატიმრობა მიუსაჯეს მასწავლებელ გიგა ავალიანზე თავდასხმის საქმეზე ცრუ ჩვენების ბრალდებით დაკავებულ არასრულწლოვანს. პროკურატურის მიერ გავრცელებული განცხადებით, "სასამართლო პროცესზე გამოკვლეული მტკიცებულებებით დადასტურდა, რომ 2026 წლის 24 მარტს, თბილისის საქალაქო სასამართლოში, გიგა ავალიანის გარდაცვალების საქმეზე, ჯგუფური ძალადობის ორგანიზების და მასში მონაწილეობის ფაქტებზე საქმის არსებითი განხილვისას, არასრულწლოვანმა მოწმის სახით დაკითხვის დროს, მართლმსაჯულებისთვის ხელის შეშლის მიზნით, სასამართლოს ცრუ ჩვენება მისცა". სასამართლომ ბრალდებული დამნაშავედ ცნო წარდგენილ ბრალდებაში და 4 წლით თავისუფლების აღკვეთა განუსაზღვრა, რაც არასრულწლოვანთა მართლმსაჯულების კოდექსის საფუძველზე 1/4-ით შეუმცირდა და საბოლოოდ 3 წლით თავისუფლების აღკვეთა განესაზღვრა. ამის შესახებ ნათქვამია პროკურატურის ინფორმაციაში. ასევე ნახეთ „მაინც მოგიწევთ ჩემი მოსმენა“ - რა დაამატა გამოძიებამ ავალიანის საქმეს სასამართლოში ჩვენების შეცვლის გამო დაკავებულზე პირველად სოციალურ ქსელში ინფორმაცია გიგა ავალიანის დედამ, ეკა კუპატაძემ გაავრცელა. მისი თქმით, ჯგუფური ძალადობის ახალ საქმეზე მოწმეები მიდიან და უარყოფენ იმას, რაც გამომძიებლებს დაკითხვის დროს უთხრეს. დაკავებულის შემთხვევაში კი, კუპატაძის თქმით, სასამართლოზევე ნათლად გამოჩნდა, რომ ის იტყუებოდა. 28 წლის მასწავლებელს გიგა ავალიანს თბილისში, თემქის დასახლებაში, 2025 წლის პირველ ოქტომბერს არასრულწლოვანები თავს დაესხნენ და იძალადეს. მან 23 დღე იცოცხლა და 24 ოქტომბერს გონზე მოუსვლელად გარდაიცვალა. ასევე ნახეთ ჯგუფური ძალადობის იმ საქმეზე, რომელიც ავალიანზე თავდასხმასაც ეხება, ცრუ ჩვენებისთვის არასრულწლოვანი დააკავეს ადგილზე ორი არასრულწლოვანი იყო, თუმცა მესამეც დააკავეს დანაშაულის დაგეგმვის ბრალდებით. შემდეგ კიდევ ორი დააკავეს დანაშაულის დაფარვისა და ჯანმრთელობის განზრახ მძიმე დაზიანების მომზადების მუხლებით. შედეგად, ამ საქმეზე ხუთი არასრულწლოვანია მსჯავრდადებული. ასევე ნახეთ გიგა ავალიანის საქმის ბრალდებულების განაჩენი ცნობილია ხუთს უკვე მიუსაჯეს პატიმრობა 2026 წლის 8 აპრილს გამოცხადდა სამი დაკავებულის განაჩენი, არასრულწლოვანთა კოდექსის გათვალისწინებით: ა.გ. და გ.რ - მიესაჯათ 10 წელი და 6 თვე; დ.ჩ. - მიესაჯა 6 წელი და 9 თვე. 2026 წლის 27 მაისს სასამართლომ კიდევ ორი არასრულწლოვანი - დ.ჩ. და ა.ნ. ცნო დამნაშავედ. მათთვის მისჯილი წლების რაოდენობას მოსამართლე 2 ივნისს გამოაცხადებს. ხუთივე მათგანს უშუალოდ გიგა ავალიანთან დაკავშირებით ჰქონდა ბრალი წარდგენილი. გაზიარება იხ. კომენტარები Follow us ბეჭდვა ​ გამოიწერე საინფორმაციო გვერდები ჩვენ შესახებ პირადი ინფორმაციის დაცვის წესები ფორუმის წესები დაგვიკავშირდით რადიო თავისუფლება, RFE/RL, Inc. ყველა უფლება დაცულია SM