Быламу свяшчуніку Якаву Варонцову, які крытыкаваў вайну ва Украіне, быў выдадзены загад прайсці псіхіятрычную экспертызу. Ён сцвярджае, што абвінавачы ў спажыванні наркотыкаў сфабрыкаваныя з мэтай дыскрэдытацыі, і паведамляе, што ў заключэнні яму сіламі састрыглі валасы і барду.

Accessibility links Skip to main content Skip to main Navigation Skip to Search Сілтеме көшірілді ЖАҢАЛЫҚТАР САЯСАТ AZATTYQTV ҚАҢТАР ОҚИҒАСЫ АДАМ ҚҰҚЫҚТАРЫ ӘЛЕУМЕТ ӘЛЕМ АРНАЙЫ ЖОБАЛАР Русский ЖАЗЫЛЫҢЫЗ Басқа тілдерде РУС LIVE İздеу ЖАҢАЛЫҚТАР Сот бұрынғы дін қызметшісін психиатриялық сараптамаға жіберу туралы қаулы шығарды 21 мамыр 2026 жыл, 17:40 Бөлісу VPN-сіз оқу Иаков Воронцов Алматының тергеу соты бұрынғы дін қызметшісі, Украинадағы соғысқа қарсылық білдіріп жүрген Иаков Воронцовты психиатриялық сараптамадан өткізу туралы қаулы шығарды. Воронцов ақпан айынан бері тергеу изоляторында отыр. «Психиатриялық көмек көрсететін мекемеге орналастыру туралы қауіпсіздік шарасы сотқа дейінгі тергеу кезінде күшінде болады, одан кейін тергеу сотының судьясы сотқа дейінгі тергеу органының өтініші бойынша оның мерзімін бір айға ұзарта алады немесе оның күшін жоюы мүмкін» деп жазылған сот қаулысында. Адвокат Ғалым Нұрпейісов мұндай шешімге түбегейлі қарсы екенін, психиатриялық сараптама жүргізуге негіз жоқ екенін айтып отыр. Себебі, айтуынша, Воронцовта психикалық ауытқу белгілері жоқ. Ол сот қаулысын дауламақ. "Кез келген сараптамаға негіз болуы керек – Иаков Воронцовта ешқандай психикалық ауытқу белгілері жоқ. Біз оның тағдырына алаңдап отырмыз" деді Нұрпейісов. Адвокат сонымен бірге тергеу изоляторында Воронцовтың шашы мен сақалын күштеп қырып тастағанын айтты. Кінәлі қызметкер тәртіптік жауапкершілікке тартылған. Шағымнан кейін оған Библиясы мен тасбиқын қайтарған. Биыл 13 ақпанда Алматының әкімшілік соты Иаков Воронцовты "Есірткі, психотроптық заттарды, сол тектестерді, сондай-ақ күшті әсер ететін заттарды медициналық емес мақсатта тұтыну" бабы бойынша 10 күнге қамаған. Сол кезде қалалық полиция департаментінің тергеу басқармасы есірткі заттарын қолдануға арналған притон ұйымдастыру фактісі бойынша қылмыстық істі тергеп жатқанын хабарлаған еді. Воронцов өзіне тағылған айыптарды жоққа шығарған. "Үйімнен табылды делінген ұнтақ маған тиесілі емес. Ол әдейі тасталған деп білемін. Осылардың бәрі – абырой-беделімді түсіріп, мені жазалау үшін жасалған" деген ол қамауда отырып жазған хатында. Воронцов 10 күндік қамаудан шыға сала тергеуге әкетіліп, ізінше тергеу сотының шешімімен 2 айға қамалған. Қазір ол Алматының тергеу абақтысында қамауда отыр. Иаков Воронцов Орыс православ шіркеуіндегі қызметін 2023 жылғы маусым айында аяқтаған. Ол Ресейдің Украинаға басқыншылығын айыптағаны үшін қазақстандық митрополиялық округ басшылығы тарапынан қысым көргенін айтқан еді. 2024 жылы аноним тұлғалардың арызы бойынша Воронцовтың үстінен "конфессияаралық алауыздық қоздыру" бабымен қылмыстық іс қозғалған. Алайда "қылмыс құрамы болмағандықтан" сол жылы мамырда тоқтатылған. 2026 жылы қаңтарда Ресей православ шіркеуіне қарасты Қазақстан митрополиялық округ өкілдері президент Қасым-Жомарт Тоқаевқа қайырылып, Ресейдің Украинадағы соғысын айыптап жүрген, шіркеуден қуылған Воронцовтың үстінен "алауыздық қоздыру" бабы бойынша істі қайта қозғауды сұраған. Жуырда АҚШ-тың Халықаралық діни еркіндік жөніндегі комиссиясы (USCIRF) сенім-нанымы үшін қудаланған адамдар тізіміне (Frank R. Wolf Freedom of Religion or Belief Victims List) православ священнигі мәртебесінен айырылған қазақстандық Иаков Воронцовты қосқан. Бөлісу VPN-сіз оқу Follow us Принтерден шығару Айдар ЖАҢАЛЫҚТАР ЖАЛПЫ АРХИВ ​ ЖАЗЫЛЫҢЫЗ ЖАЛПЫ МӘЛІМЕТ Хабарласыңыз Біз туралы Сайтымыз бұғатталса не істеу керек? Азаттық қосымшалары Қолдану шарттары Форум ережелері Жазылу НЕГІЗГІ БӨЛІМДЕР Жаңалықтар Қазақстан Қазақтар - әлемде Орталық Азия Ресей Қытай Әлем Азат Еуропа / Азаттық радиосы © 2026, Inc. | Барлық құқықтары қорғалған SM