Былы пасол Італіі П'ергабрыэле Пападія быў арыштаваны ў Рыме па падазрэнні ў кіраванні незаконнай схемай выдачы шэнгенскіх віз для расійскіх грамадзян. Яго абвіначваюць у атрыманні хабарак у памеры ад 4 000 да 16 000 еўра за кожную візу.

Линклар Бош мавзуларга ўтинг Асосий навигацияга ўтинг Қидиришга ўтинг Link has been copied to clipboard OZODLIK SURISHTIRUVLARI OZODVIDEO OZODARXIV На русском ИЖТИМОИЙ ТАРМОҚЛАР Озодлик бошқа тилларда РУС Излаш 12 May 2026, Тошкент вақти: 08:23 КУН МАВЗУЛАРИ Тошкентдаги виза схемаси: Италиянинг собиқ элчиси Римда қўлга олинди Меҳрибон/Озодлик May 11, 2026 Ўртоқлашинг Шарҳларни кўринг Принт қилиш Пьергабриэле Пападиа Тошкентдаги Италия элчихонасида бир йил ишлаган. (Фото: Ўзбекистон Ташқи ишлар вазирлиги) Италиянинг Ўзбекистондаги собиқ элчиси Пьергабриэле Пападиа де Боттини ди Сант-Аньезе ноқонуний Шенген визаси схемаси бўйича 7 май куни Римда ҳибсга олинди. Собиқ элчи Тошкентдаги норасмий тизим орқали Россия фуқароларига виза беришда айбланмоқда. Озодлик Telegram Озодлик Instagram Озодлик Facebook “La Repubblica” газетасига кўра, Рим прокуратураси Италиянинг Тошкентдаги собиқ элчиси, 58 яшар Пьергабриэле Пападиа ва унинг ҳамкори Татьяна Таракановага нисбатан ноқонуний миграцияни ташкил этиш, мансаб ваколатини суиистеъмол қилиш билан боғлиқ коррупция ишлари бўйича тергов олиб бормоқда. Бу жуфтликнинг ҳибсга олиниши қочиб кетиш хавфининг олдини олиш мақсадида эҳтиёт чораси сифатида қўлланган. Чунки Пападиа Россияга бориш учун виза олиш имкониятларини ўргангани аниқланган. Пападиа 2024 йил декабридан 2025 йил декабригача Ўзбекистонда элчи бўлиб ишлаган. Тергов маълумотларига кўра, у визалар бўлимига раҳбарликни ўз қўлига олган ва у ерга Татяна Таракановани — Россия ва Италия фуқароси бўлган, аввалроқ Москвадаги Италия консулхонасида у билан бирга ишлаган ходимни ўтказган. Тергов Италия Ташқи ишлар вазирлигининг ўтган йил июль ойидаги текширувидан сўнг бошланган. Текширув чоғида виза ҳужжатларида қонунбузарликлар ва элчихонага кирган аризачилар ҳақидаги маълумотларнинг йўқлиги аниқланган. Тергов версиясига кўра, Пападиа ва Тараканова Россия фуқароларига қўшимча тўлов эвазига бир йилдан уч йилгача бўлган узоқ муддатли шенген визаларини бериш тизимини йўлга қўйган. Россияликлар виза учун тахминан 4 мингдан 16 минг еврогача тўлашган. Расмий консуллик йиғими атиги 45–60 еврони ташкил қилган. Пападиа ва унинг ёрдамчиси ўз мижозлари учун ҳатто VIP-тариф ҳам жорий қилган. Схемага Москвада бир хил манзилда рўйхатдан ўтган учта турфирма жалб қилинган. Камида 95 нафар мижоз ушбу агентликлар орқали қоидалар бузилган ҳолда берилган шенген визалари билан Италияга кирган: аризачилар Ўзбекистон резиденти бўлмаган ва Тошкентдаги Италия элчихонасига бормаган ҳолда виза олишган. Текширув давомида Пападиа ёрдамчисининг Болгариядаги ҳисоб рақамига схема билан боғлиқ тузилмалардан пул ўтказмалари тушгани аниқланган — масалан, агентликлардан бири томонидан “қарз” сифатида расмийлаштирилган тахминан 23,6 минг евро. Пападиа бу иш билан пул учун шуғулланганини тан олган. Терговчилар ҳозирда тахминан 400 та виза ҳужжатини ўрганмоқда ҳамда Пападиага тегишли, қиймати тахминан 3 миллион евро бўлган активларни текширмоқда. Европадаги 27та давлат Шенген ҳудудига қўшилган. Хориж фуқароларига Шенген визаси- ушбу давлатлар бўйлаб ортиқча ҳужжатларсиз ҳаракатланиш имконини беради. Россиянинг Украинага босқини бошланганидан кейин ЕИ мамлакатлари россияликлар учун шенген визаларини олишнинг соддалаштирилган тартибини бекор қилди. Қатор давлатлар — жумладан, Балтия мамлакатлари, Польша, Чехия, Дания — россияликларга туристик визалар беришни бутунлай тўхтатган. Постсовет давлатлари фуқароларига ноқонуний равишда Шенген визаларини бериш ҳолати 2023 йилда Польшада ҳам фош бўлган эди. Польша Адлия вазирлиги маълумотларига кўра, 268 та ҳолат текширилиб, ҳар бир виза учун 4–5 минг доллар пора олингани аниқланган. Иш доирасида 9 киши айбланган, улардан 3 нафари ҳибсга олинган. Тергов хулосасига кўра, ишнинг асосий фигуранти — собиқ Ташқи ишлар вазири ўринбосари Пётр Вавжик. У 2024 йил январда ҳибсга олинган, кейин эса гаров эвазига қўйиб юборилган. Вавжикка ваколатни суиистеъмол қилиш ва визаларни пул эвазига тезлаштириб беришда иштирок этганлик айблари қўйилган. 2025 йил декабрида иш судга оширилган ва ҳозирда маҳкама жараёни давом этмоқда. Ўртоқлашинг Шарҳларни кўринг Принт қилиш Меҳрибон/Озодлик емайл: bekievam@rferl.org   Facebook: @Mehribon.Bekieva​ ​ ИЖТИМОИЙ ТАРМОҚЛАР ОЗОДЛИК Биз ҳақимизда Биз билан алоқа Қоидалар МАЪЛУМОТ Мобил илова Озодлик радиоси © 2026 RFE/RL, Inc. | Барча ҳуқуқлар ҳимояланган. SM