This report describes a security incident at a White House reporters' dinner where a shooting occurred near a security checkpoint. President Donald Trump was evacuated from the scene, and one suspect was detained.

Линклар Бош мавзуларга ўтинг Асосий навигацияга ўтинг Қидиришга ўтинг Link has been copied to clipboard OZODLIK SURISHTIRUVLARI OZODVIDEO OZODARXIV На русском ИЖТИМОИЙ ТАРМОҚЛАР Озодлик бошқа тилларда РУС Излаш 06 May 2026, Тошкент вақти: 01:29 КУН МАВЗУЛАРИ Трамп эвакуация қилинди, гумонланувчи қўлга олинди - Оқ уй мухбирлари зиёфатида отишма Aprel 26, 2026 Ўртоқлашинг Принт қилиш АҚШ президенти Доналд Трамп Вашингтонда Оқ уй мухбирлари уюшмаси кечки зиёфати чоғида отишма содир бўлганидан сўнг тадбирдан олиб чиқилди. ВАШИНГТОН — 25 апрель кечаси Оқ уй мухбирлари кечки зиёфатида хавотирли ҳолат юзага келди: бал зали ташқарисидаги хавфсизлик назорат нуқтаси яқинида отишма содир бўлди. Хавфсизлик хизмати АҚШ президенти Доналд Трамп ва юзлаб юқори даражали меҳмонларни эвакуация қилди. Махфий хизмат ходимлари Трампни саҳнадан зудлик билан олиб чиқди, ҳуқуқ-тартибот кучлари эса қурол билан жойга кириб келди. Расмий кийимдаги иштирокчилар қўрқув ва саросима ичида столлар остига яшириниб олгани кузатилди. Ҳокимият вакиллари воқеа жойида бир гумонланувчи қўлга олинганини тасдиқлади. Президент уни Калифорниядан бўлган 31 ёшли эркак эканини маълум қилди ва у якка ҳолда ҳаракат қилгани тахмин қилинмоқда. “Отишма бўлди!” Ҳодиса тадбир очилишидан сўнг Трампнинг асосий нутқдан аввал содир бўлди. Бу анжуман Вашингтон сиёсий ва медиа ҳаётининг муҳим тадбирларидан бири ҳисобланади. Бир нечта қаттиқ портлашга ўхшаш овозлардан кейин “отишма бўлди” деган қичқириқлар янгради ва залда саросима бошланди. Полиция меҳмонхонани ўраб олди, осмонда вертолётлар пайдо бўлди, махсус кучлар эса ҳудудни тўлиқ назоратга олди. Кечаси Оқ уйда ўтказилган брифингда Доналд Трамп — ҳали ҳам смокингда — зиёфатда қолмоқчи бўлганини, аммо хавфсизлик хизмати бунга йўл қўймаганини айтди. У гумонланувчи бир нечта қурол билан жиҳозланганини тасдиқлади ҳамда камида бир ҳуқуқ-тартибот ходими яраланганини, бироқ бронежилет уни ҳимоя қилганини билдирди. “У жуда яқин масофадан кучли қурол билан отилган, аммо бронежилет ўз вазифасини бажарди,” деди Трамп. У ходимнинг аҳволини барқарор ва “руҳи кўтаринки” деб айтди. ТЕРГОВ ДАВОМ ЭТМОҚДА Расмийлар тергов давом этаётганини маълум қилди. Федерал агентлар гувоҳларни сўроқ қилмоқда ва гумонланувчининг уйида тинтув ўтказмоқда. Бош прокурор вазифасини бажарувчи Тодд Бланш яқин орада айбловлар эълон қилиниши кутилayotganини айтди. ФБР директори Кэш Пател эса терговчилар ҳодисанинг барча тафсилотларини аниқлаш устида ишлаётганини билдирди. АҚШ президенти Доналд Трамп гумонланувчи деб айтилаётган шахс суратини эълон қилди. Трамп расмийлар гумонланувчи “якка ҳаракат қилган шахс” бўлганини ва ҳозирча кенгроқ фитна ёки хорижий алоқа белгилари йўқлигини таъкидлади. Бу отишма АҚШда сиёсий зўравонлик хавотирлари ортиб бораётган бир пайтга тўғри келди. Трамп аввал ҳам суиқасд уринишларидан омон қолган, жумладан, 2024 йилда Пенсилваниядаги сайловолди митингида содир бўлган отишмада. Барча узилишларга қарамасдан, президент кечки зиёфат бир ой ичида қайта ўтказилишини айтди. Ўртоқлашинг Принт қилиш ​ ИЖТИМОИЙ ТАРМОҚЛАР ОЗОДЛИК Биз ҳақимизда Биз билан алоқа Қоидалар МАЪЛУМОТ Мобил илова Озодлик радиоси © 2026 RFE/RL, Inc. | Барча ҳуқуқлар ҳимояланган. SM