Residents of Hamadoni district are fighting to recover livestock confiscated by authorities following the 2023 arrest of shepherd Iso Kholmadov. Although Kholmadov was sentenced to 15 years, the community claims their property was illegally seized alongside his.

Пайвандҳои дастрасӣ Ҷаҳиш ба мояи аслӣ Ҷаҳиш ба феҳристи аслӣ Ҷаҳиш ба ҷустор Тор нусхагирӣ шуд ГӮШАҲО СИЁСАТ ИҚТИСОД ҶОМЕА ҚАЗИЯИ "КРОКУС" ОСИЁИ МАРКАЗӢ ФАРҲАНГ МЕҲМОНИ ОЗОДӢ ВАРЗИШ ГАПИ ОЗОД РӮЗГОРИ МУҲОҶИР САЛОМ, ХОҲАР ТАҲҚИҚОТ ҶАНГ ДАР УКРАИНА НАЗАРИ МАРДУМ БЛОГИСТОН ОЗОДӢ ОНЛАЙН ЧАНДРАСОНАӢ ВИДЕО НИГОРИСТОН ГУЗОРИШҲОИ РАДИОӢ РӮЙХАТҲО КИТОБҲОИ ОЗОДӢ Русский ПАЙГИРӢ КУНЕД Ҳамаи сомонаҳои RFE/RL РУС TV Ҷустуҷӯ ТОҶИКИСТОН "Гуфтанд дар сари суд молатонро мегиред, аммо ҳеч чиз нашуд" Май 30, 2026 Ба дигарон фиристед Сокиноне, ки талош доранд молу гови худро баргардонанд Як гуруҳ аз сокинони ноҳияи Ҳамадонӣ мегӯянд, мақомот баъди боздошти чӯпони деҳа чорвои ҳамаи онҳоро мусодира кардаанд. Мақомот мегӯянд, ин чорво моли чӯпоне буд, ки даст ба ҷиноят задааст ва барои ҳамин мусодира шудааст. Чанд сокини деҳаи Чубеки ноҳияи Ҳамадонӣ ба гуфтаи худашон се сол боз наметавонанд молу гови худро аз дасти мақомот бозпас гиранд. Баҳс бар сари ин чарогоҳ ва мусодираи молу гови мардум соли 2023, баъди боздошти Исо Холмадов бо гумони қочоқ маводи мухаддир рух дод. Ӯ дар ҳамин ҷо бо парвариши чорво машғул будааст. Дар баробари чорвои худ молу гови сокинони минтақаро низ нигоҳ медошт. Ҳамаро додгоҳ мусодира кард ва дар ихтиёри Агентии таъминоти амволи махсус гузошт. Бародарони Исо Холматов мегӯянд, ки то кунун сабаби ҳабс шудани молу гови худро намедонанд. Мусо Холмадов, бародари Исо Холмадов ба Радиои Озодӣ гуфт, "ман барои худам хоҷагии деҳқонӣ доштам. Мақомот омада, чизҳои мудири Исо гуфта гирифтанд, лекин ин чизҳои Исо набуд. Гуфтанд, ки дар сари суд мегирӣ, аммо то ҳол ҳичӣ нашуд." Хонаводаи Холмадовҳо мехоҳанд, ки молу гови онҳо баргардонида шавад. Ҷумахон Холмадов, бародари дигари Исо Холмадов мегӯяд, “молу санге, ки ба мо тааллуқ дошт, омада дар ҳаминҷо гирифтанд. Ҳарчанд, ки мо фаҳмондем, ки ин ба ягон Холмадов Исо тааллуқ надорад”. Видеоро инҷо бинед: EMBED БА ДИГАРОН ФИРИСТЕД "Чӯпон ба ҷиноят роҳ дод, чорвои ҳамаи моро мусодира карданд!" Аз ҷониби Радиои Озодӣ EMBED БА ДИГАРОН ФИРИСТЕД Нусхабардорӣ шуд бар px баландӣ px URL нусхабардорӣ шуд Auto240p360p480p720p1080p Феълан кор намекунад 0:00 5:24 0:00 Auto 240p 360p 480p 720p 1080p Додгоҳи шаҳри Душанбе соли 2023 Холмадов Исоро 15 сол аз озодӣ маҳрум кард. Дар поёни ҳукм гуфта мешавад, ки даъвогарон ба Додгоҳи олӣ муроҷиат кунанд. Хонаводаш гуфт, Исо Холмадов дар охирсуханаш хост, ки молу гови сокинон ба соҳибонаш дода шавад. Ҳабибулло Шерхонов, сокини ноҳияи Ҳамадонӣ мегӯяд, ба Сабзалӣ Назирзода, директори Агентии амволи махсус муроҷиат карданд ва "ӯ ба мо ваъда кард, ки албата омада баъди ду рӯз ин масъалаҳоро ҳал мекунем. Баъди ваъдаи кардаи Назирзода Сабзалӣ алакай се сол гузашт". Аммо дар посухи Агентии амволи махсус, ки бо имзои Назирзода Сабзалӣ ба Радиои Озодӣ фиристода шудааст, чунин ишорае нашудааст. Дар посухи Агентӣ омадааст, молу мулки Исо Холмадов бо қарори додгоҳ мусодира ва "ба ихтиёри Агентӣ гузаронида шудааст". Директори Агентӣ навиштааст, ба кӣ тааллуқ доштани молу мулки мусодирашуда кори тафтишот ва додгоҳ аст ва онҳо дар ин бора маълумоти бештар надоранд. Ин ниҳод ҳамчунин гуфт, даъвои ин гуруҳи шаҳрвандон соли 2024 аз сӯи Додгоҳи ҳарбии Хатлон "бинобар асоси ҳуқуқӣ надоштанаш" қабул нашуд. Агентии таъминоти амволи махсус ниҳоде мебошад, ки вазифааш таъмини сарбозон бо либос ва хӯрока аст. Аммо шикояткунандагон, ки шумораашон ба 46 нафар мерасад, барои гирифтани моли гови худ ба Додгоҳи олӣ муроҷиат карданд. Онҳо мехоҳанд, ки молу говашон барояшон баргардонида шавад. Ин афрод мегӯянд, ки ба қонун бовар доранд ва адолат пирӯз хоҳад гашт. Аммо то ҳоло касе ба доди онҳо нарасидааст. Ба дигарон фиристед Мо дар шабакаҳои иҷтимоӣ Чоп Гӯшаҳо Тоҷикистон Матолиби навтарин ​ ПАЙГИРӢ КУНЕД МАЪЛУМОТ Дар бораи Озодӣ Сомонаи Радиои Озодӣ бастааст? Чӣ гуна шарҳ нависем? Тамос бо мо ЗАМИМАҲО Замимаи Озодӣ дар Андроидҳо Замимаи Озодӣ дар iOS Дар Смарт ТВ Радиои Аврупои Озод / Радиои Озодӣ © 2026 RFE/RL. Inc. Ҳамаи ҳуқуқ маҳфуз аст. SM