Независимый журналист Лукпан Ахмедиаров был задержан полицией в Уральске после международного розыскного запроса из Российской Федерации. Ахмедиаров известен своим YouTube-проектом «Просто журналистика» и критикой правительственной коррупции.

Accessibility links Skip to main content Skip to main Navigation Skip to Search Сілтеме көшірілді ЖАҢАЛЫҚТАР САЯСАТ AZATTYQTV ҚАҢТАР ОҚИҒАСЫ АДАМ ҚҰҚЫҚТАРЫ ӘЛЕУМЕТ ӘЛЕМ АРНАЙЫ ЖОБАЛАР Русский ЖАЗЫЛЫҢЫЗ Басқа тілдерде РУС LIVE İздеу ЖАҢАЛЫҚТАР "Ресейдің сұрауы бойынша". Орал полициясы журналист Лұқпан Ахмедияровты ұстады 22 маусым 2026 жыл, 13:42 Бөлісу PDF VPN-сіз оқу Тәуелсіз журналист, YouTube-тегі "Просто журналистика" жобасының авторы Лұқпан Ахмедияров. Астана, 9 шілде, 2025 жыл. Батыс Қазақстан облысының орталығы Орал қаласының полициясы қазақстандық тәуелсіз журналист, YouTube-тегі "Просто журналистика" жобасының авторы Лұқпан Ахмедияровты оған халықаралық іздеу жариялаған Ресей федерациясының сұрауы бойынша ұстаған. Мұны Ахмедияровтың әріптесі журналист Рауль Упоров 22 маусым күні Facebook-парақшасында хабарлады. Упоровтың айтуынша, оған Лұқпан Ахмедияров телефон шалып, өзін көшеде полиция қызметкерлері тоқтатқанын жеткізген. Полиция өкілдері қазақстандық журналистке Ресей ішкі істері оған халықаралық іздеу жариялағандықтан ол іздеуде жүргенін хабарлаған. "Лұқпанның сөзінше, оның үстінен қылмыстық істі былтыр 25 желтоқсанда Ресейдің Мәскеу облысының ішкі істер министрлігі қозғапты. Орал полициясы одан осы істің аясында жауап алатын шығар", деп топшылайды Упоров. Оның айтуынша, Лұқпан Ахмедияров қазір Оралда полиция мекемесінде отыр. Орал полициясы Лұқпан Ахмедияров не үшін ұсталғаны жайлы әзірге түсініктеме берген жоқ. Журналистің қандай себеппен ұсталғанын сұраған Азаттық Азияға, сондай-ақ қазақстандық Vlast және Ulysmedia.kz басылымдарына Батыс Қазақстан облыстық полиция департаменті Лұқпан Ахмедияровқа байланысты ресми түсініктеме дайындап жатқанын айтты. Лұқпан Ахмедияров пен Рауль Упоров бұған дейін бірнеше рет өшіріліп, баспасөз қорғау ұйымдарының көмегімен қайта қалпына келтірілген, Қазақстандағы маңызды қоғамдық-саяси мәселелерді ашық айтып жүрген, Украинадағы соғыс туралы да ақпарат тарататын "Просто журналистика" YouTube-арнасының авторлары. Бұған дейін олар Украинаға бірнеше рет барып, соғыс жағдайында өмір сүріп жатқан украиндардың өмірінен репортаждар әзірлеген. Биыл 5 наурызда Украинадан іссапардан оралған журналистер Лұқпан Ахмедияров, Рауль Упоров пен олардың операторы Еркебұлан Ғапуовты Астана әуежайында құқық органдары қызметкерлері ұстап, құжаттарын алып қойған еді. Кейінірек үшеуін де босатқан. ОҚИ ОТЫРЫҢЫЗ Астана әуежайында журналистер Лұқпан Ахмедияров пен Рауль Упоровты ұстап босатты Батыс Қазақстан облысының тумасы Лұқпан Ахмедияров Қазақстандағы тәуелсіз журналистердің бірі ретінде танымал. Кәсіби қызметі үшін бірнеше сыйлықтың иегері атанған Ахмедияровты биліктің кемшіліктер мен олқылықтарын сынап, жемқорлық пен жең ұшынан жалғасуды әшкерелейтін материалдары үшін бірнеше рет шенеуніктер сотқа да берген, сондай-ақ билік оны қоғамдық-саяси белсенділігі үшін де бірнеше рет жауапқа тартқан. 2012 жылы Лұқпан Ахмедияровқа кәсіби қызметіне бола қастандық жасалған. Кейінгі бірнеше жылдан бері Астанада тұрып жатқан Лұқпан Ахмедияров әріптесі Рауль Упоровпен бірге Қазақстандағы тәуелсіз медиаға қысым жасалатынын сынға алып, биліктің қытығына тиетін саяси тақырыптарды қозғаған журналистердің жұмысы қиындыққа тап болатынын айтқан. Былтыр Астанада билік өкілдері Лұқпан Ахмедияровты ұстап, "көрінеу жалған ақпарат тарату" туралы іс бойынша қорғану құқығы бар куәгер ретінде жауап алу үшін полиция мекемесіне жеткізген еді. Ол іс Ахмедияров Ресейге жұмыс істеуге кеткен қазақстандықтарды Ресейдің қорғаныс министрлігі әскери келісімшартқа отыруға мәжбүрлеп жатқаны туралы бейнематериал жариялағаннан кейін қозғалған. Ол қылмыстық істің қай деңгейде екені қазір белгісіз: бұған дейін бірнеше рет полицияға шақыртып, жауап алғаннан басқа тергеу амалдары жайлы ақпарат болған жоқ. ОҚИ ОТЫРЫҢЫЗ 274-бап бойынша іс. Полиция журналист Лұқпан Ахмедияровты неге ұстады? Толықтыру: 22 маусым күні түстен кейін Батыс Қазақстан облысы полиция департаментінің баспасөз қызметі журналист Лұқпан Ахмедияровтың ұсталу себебі жайлы ақпарат таратты. Онда сол күні күндіз полиция батальоны қызметкерлері Лұқпан Ахмедияровтың көлігін тоқтатқаны айтылған. "Тексеру барысында көлік иесі емес жүргізушіде қажетті сақтандыру полисі болмағаны анықталды. Ахмедияров мырза бұл құқық бұзушылық үшін әкімшілік жауапкершілікке тартылды. Сонымен қатар, жүргізушінің келбеті полицияның күдігін тудырды, сондықтан ол медициналық тексеруге жіберілді", - делінген полиция ақпаратында. Ахмедияровтың әріптесі Рауль Упоров әлеуметтік желідегі парақшасында "тексеру оның таза екенін көрсетті" деп жазды. Бөлісу PDF VPN-сіз оқу Follow us Принтерден шығару Айдар ЖАҢАЛЫҚТАР ЖАЛПЫ АРХИВ ​ ЖАЗЫЛЫҢЫЗ ЖАЛПЫ МӘЛІМЕТ Хабарласыңыз Біз туралы Сайтымыз бұғатталса не істеу керек? Азаттық қосымшалары Қолдану шарттары Форум ережелері Жазылу НЕГІЗГІ БӨЛІМДЕР Жаңалықтар Қазақстан Қазақтар - әлемде Орталық Азия Ресей Қытай Әлем Азат Еуропа / Азаттық радиосы © 2026, Inc. | Барлық құқықтары қорғалған SM